DRAGON BALL SUPER: NJË FILM I RI PRITET NË 2022!!

Autori po punon për të sjellë një film si asnjë tjetër më parë.

admin10 Maj, 2021Shikime 1200

TOKIO – 9 Maj, 2021 Fansat kudo në botë morën një surprizë të veçantë në Ditën e Gokut, festën e përvitshme të Dragon Ball, kur Toei Animation zbuloi se një film i ri “Dragon Ball Super” do të dalë në 2022. Fenomeni Dragon Ball filloi në 1984, kur manga e famshme e Akira Toriyamas u shfaq në “Weekly Shonen Jump” të Shueisha-së, revistës më të famshme për mangat e kategorisë Shonen; duke u bërë kështu një ndër titujt më të ndjekur gjatë 10 viteve e gjysmë që ajo vazhdonte të publikohej. Që atëherë, manga vazhdon të rritet me një rekord të madh prej 260 milion kopjesh të shitura kudo në botë. Dhe me rritjen e vazhdueshme të Dragon Ball, manga u kthye në seriale, filma, lojëra dhe produkte në shitje. Sot, pas 37 vitesh nga publikimi i mangës origjinale, Dragon Ball vazhdon të zhvillohet dhe do të arrijë maja të tjera duke filluar me këtë film të ri të një madhësie të jashtëzakonshme.

Filmi i ri do të jetë i dyti i bazuar tek “Dragon Ball Super,” titulli i mangës dhe animes së publikuar në 2015. Filmi i parë, “Dragon Ball Super: Broly” u shfaq në 2018, i cili ishte një sukses i madh me audiencën, me një rekord prej $120 milion të ardhurash.

Planifikimi për këtë projekt të ri filmi u nis që në 2018, para daljes së “Dragon Ball Super: Broly,” me qëllimin e tregimit të një historie të një shkalle shumë të gjerë që do të vazhdonte entuziazmin global të krijuar nga “Broly.” Vetë Akira Toriyama ka marrë në dorë krijimin e një historie mahnitëse që fansat e dëshirojnë shumë. Që nga historia e mrekullueshme dhe stili i krijimit të personazheve e deri tek rreshtat e skenarit, Toriyama ka punuar me shumë pasion deri në detaje për ta bërë këtë film në cilësinë të më mirë të mundshme; duke krijuar kështu një film të Dragon Ball si asnjë tjetër më parë në historinë e tij dhe që do të ketë një sukses të madh me fansat.

Për këtë njoftim, Akira Toriyama, autori i historisë origjinale, shkroi një mesazh për fansat e Dragon Ball.

Categories